今年同洛洛的暑假遊，目的地係大阪同中部北陸。
其實去年洛洛已經暗示我想去做杯麵同去大阪環球片場。
今年終於可以完成佢心願。
順便慶祝洛洛考入佢2位姨媽同媽咪嘅母校：聖心。
行程大致上係:
大阪 → 名古屋 → 飛驒高山 → 富山 → 下呂 → 大阪
今次中部之旅，會住3晚溫泉酒店。享受飛騨牛。仲會去坐纜車，踏單車，坐火車。
最後目的地，大阪，會去日本環球片場玩Harry Potter 。
P.S.
早在5月份，已開始搵機票同酒店。
但估唔到，CX Package 嘅酒店係5月份已經 Full 哂。
最後要酒店同機票分開訂。
好彩日本樂天網站有暑期優惠。
所以其中2晚溫泉酒店有優惠。
訂完就發生韓國MERS 事件。
聽聞好多人轉去日本玩。
希望唔好好似3月份去大阪時，過關要排個半鐘啦。
